Mín spá og gömul staka

Ég reið ekki feitum hesti frá spá minni fyrir körfuna í vetur, enda ekki mjög spámannlega vaxinn.  Vona að jórinn er ég ríð í spánni fyrir knattspyrnusumarið verði öllu digurri en í körfunni.

Spá mín er svona:

1:  Valur
2:  KR
3:  FH
4:  ÍA
5:  Breiðablik
6:  Fylkir
7:  Keflavík
8:  Fram
9:  Fjölnir
10:  Þróttur
11:  Grindavík
12:  HK

 

Læt svo flakka með í lokin stöku sem ég samdi fyrir ca 10-12 árum síðan, en hún hljómar svo:

Um botnbaráttuna spái ég
að berjist liðið leiðinleg.
Hef oft vonað og vona enn
að verði neðstir Skagamenn

 

Endilega hendið inn ykkar spá í leiðinni 

Val spáð sigri í Landsbankadeild karla

Hvað á þetta að þýða?

Alveg er þetta hreint ótrúlegt með þá þarna á mbl.is.  Hvers vegna í ósköpunum er í fréttinni talað um Davíð en ekki David?  en nöfn Tom, Kate og Evu látin halda sér óbreytt.  Persónulega finnst mér einmuna ljótt þegar verið er að færa erlend fornöfn yfir á íslensku.  Hinsvegar þætti mér í meira lagi kómískt ef gengið væri alla leið í þíðingu nafnanna og þau færð alfarið yfir á íslensku.  David Beckham gæti þá t.d verið Davíð Bekkjarskinka, Tom Cruise yrði Tómas Krús og Kate Beckinsale yrði máski Kata Sölubekkur

Vináttan orðin þvinguð

Mexíkósk söngdrottning á Íslandi

Svo virðist sem samband milli Mexíkó og Íslands hafi aukist gífurlega frá því ég og Carmen fórum að rugla saman reitum fyrir 1 og hálfu ári síðan.  Forsetinn var nýverið staddur í Mexíkó ásamt föruneyti,  Björk var með tónleika þar í desember, Vesturport er að sýna kommúnuna þar þessa dagana, Gael Garcia hefur verið að leika í sömu sýningu á Íslandi, Sigurrós er að fara halda tónleika ytra í sumar og það nýjasta er myndband sem Carmen benti mér á með Mexíkóska ungstirninu Ximena Sarinana.  Ung og efnileg söngkona sem tók upp tónlistarmyndband hér á landi.  Ansi gaman að þessu flotta myndbandi

 

Linkurinn er hér:

 

http://mx.youtube.com/watch?v=lC_6DPOxBAc 

 

Jahérna

Spurning hvort maður verði ekki að splæsa í svona apparat þegar fram líða stundir.
Sú var tíðin að maður rogaðist með vasadiskó og var að spá í að fá sér ferða vínyl spilara svo slagsíða hlaust af hér í gamla daga

Sjónvarpið í vasanum

Darryl Dawkins í Borgarnesi

Flestir sem fylgst hafa með NBA körfunni í gegnum tíðina kannast við Darryl Dawkins sem lék lengst af með Philadelphia 76ers en einnig með New Jersey, Utah og Detroit.  Hann varð m.a meistari með 76ers 1983 að mig minnir.  Hann skoraði að mta 12 stig í leik á ferlinum, en varð einna frægastur fyrir að mölva korfuboltaspjöld í leik, sem varð til þess að farið var að styrkja spjöldin sérstaklega í kjölfarið. 

Það er gaman að segja frá því að téður Dawkins er staddur í Borgarnesi um helgina í tengslum við körfuboltamót sem hér fer fram.  En hann mun vera einn af þjálfurum bandarísk liðs sem er hér fyrir tilstilli þjálfara Skallagríms Kenneth Webb

 

læt hér fylgja með 2 góð video af kallinum þegar hann var upp á sitt besta 

 

 

Til hamingju Snæfell

Við sátum hérna félagarnir og horfðum á þennan leik í kvöld.  Skallarnir auðvitað úr leik svo það er erfitt fyrir mann að ákveða hvort liðið maður á að styðja.  Ég held einfaldlega með körfuboltanum í heild sinni og vonast eftir sem flestum leikjum.  Þessi leikur í kvöld var af rándýrari gerðinni.  Hreint ótrúleg skemmtun sem var borin á borð fyrir mann. 

Langar að óska félögum mínum, Hlyni og Sigga og öllum leikmönnum Snæfells til hamingju með að vera komnir í úrslit í þriðja sinn.  Alveg morgunljóst að maður á eftir að kíkja í Hólminn í lokaúrslitunum.  Pylsa og kók á Vegamótum á leið vestur,  formúla sem getur ekki klikkað

Annars er þessi færsla eingöngu skrifuð til að fá heimsóknir á síðun a mína 

Snæfell í úrslit eftir frábæran endasprett

tengdamamma tilvonandi

Þættinum hefur borist bréf!  Það er varðandi orð dagsins.  Orð dagsins að þessu sinni er:  Tengdamömmubox, ég endurtek; tengdamömmubox.  Flestir vita nú fyrir hvað þetta orð stendur, en ég veit ekki um neinn sem veit um eitthvað annað orð, fræðilegra og betur lísandi yfir þennan hlut.

Fyrir þá sem ekki vita hvað tengdamömmubox er , þá er það box sem sett er á toppgrindur bifreiða til þess að geta geymt hluti í og ferðast með á toppnum.  Einhver gárungi sagði að þetta væri tilvalið til að geyma tengdamóður sína í á ferðalögum og þaðan sé þetta orð komið.  En ég neita staðfastlega að trúa því að ekki sé til nokkurt annað orð yfir þetta fyrirbæri, þ.e boxið ekki tengdamömmuna.

Ég auglýsi hér með eftir umræðu um þetta orð og gaman væri ef einhver fjölmenntaður spjátrungur myndi skottast til að vita eitthvað meira um þetta og fræða okkur sauðsvartan almúgan á þessu orði.

 

sjaldan er góð vísa of oft kveðin

Þessi á vel við þessa dagana:

 

Ef einmanna er ég á kvöldin
sá eineygði tekur oft völdin.
Í lófanum leikur,
en verður loks veikur
og gubbar á gluggatjöldin

 

Þessi er frumsamin eftir sjálfan mig fyrir nokkrum árum síðan 

Spurningaleikurinn vaknaður !!!!

 

Í tilefni dagsins kem ég með spurningu varðandi úrslitakeppnina og Grindavík

 
Hversu oft hefur Skallagrímur mætt Grindavík í úrslitakeppninni og hve oft höfum við unnið viðureignir við þá?  Bónusstig fyrir þá sem finna út heildar vinningshlutfall gegn þeim í úrslitakeppninni

Hvar ertu nú?

Ég fór í íþróttahúsið í Borgarnesi í leit minni að þessari bertútta Stinu frá Svíaríki en fann hana hvurgi.  Hugsa að hún fengi betri móttökur í sundlaugum minnar heimabyggðar heldur en í Hveragerði ( Verahvergi) 

Bannað að bera brjóstin í Hveró