Arfaslakt hjá sköllunum

Iceland Express deildin fór af stað á fimmtudagskvöldið með 4 leikjum.  Borgnesingar byrjuðu keppni í Garðabænum á föstudagskvöldið gegn nýliðum Stjörnunnar.  Garðbæingar hafa 1 sinni áður leikið í efstu deild, það var tímabilið 2001-2002.  Skallarnir unnu báðar viðureignir liðanna þann veturinn, 89-73 og 65-76.  Stjörnumenn unnu reyndar ekki einn einasta leik þann veturinn og hrundu niður í 1.deild.  Nýliðarnir voru því að leita eftir sínum fyrsta sigri í efstu deild frá upphafi s.l föstudagskvöld.  Skallarnir auðvitað með nokkuð breytt lið, nýjan þjálfara og nýjar áherslur.  Já og í nýjum búningum sem að mínu mati var það jákvæðasta við leikinn.  Því Skallarnir voru arfaslakir lengst um í leiknum

 

Óþarfi að örvænta yfir spilamennsku liðsins í leiknum, er sannfærður um að drengirnir eiga eftir að girða sig í brók og ég hef ekki áhyggjur af liðinu. 

 Umgjörð leiksins var svona la-la.  Pizzur og kruðerí til sölu í hálfleik og allt gott um það að segja.  Kynnir leiksins var þó ekki að gera gott mót.  Hann byrjaði á því að kynna lið gestanna, Snæfell úr Borgarnesi, við slæmar undirtektir okkar í stúkunni.  Svo heyrðist mér hann segja að þjálfari Stjörnunnar héti Bragi Guðmundsson, en ekki Magnússon.  Starfsmenn ritaraborðsins voru algjörlega úti að skíta í leiknum.  Skotklukkan var í tómu rugli allan leikinn og leikklukkan var lítið skárri.  Þegar litið er á tölfræði liðanna er hún á sömu nótum.  Allan Fall skv. tölfræðinni gaf 2 stoðsendingar í öllum leiknum.  Ég taldi 5 stoðsendingar hjá honum bara í 1.leikhluta.  

Annars er það umhugsunarefni fyrir KKÍ að leikvarpið á kki.is er ekki komið á nógu góðan rekspöl enn sem komið er.  Enn eitt árið er leikvarpið ekki tilbúið í upphafi tímabils.  Allir leikmenn eru óskráðir og það er heldur klént að þetta skuli gerast ár eftir ár.  Ég benti þeim á þetta á hverju hausti sem ég var að vasast í þessu, en alltaf er það sama sagan

Hápunktur leiksins og ferðarinnar var flatbakan og bjórinn á Pizza Hut eftir leik.  Næsta fimmtudag koma svo George Byrd og félagar í Hamri í heimsókn í nesið.  Er sannfærður um betri leik minna manna í það skiptið. 

Athugasemdir

[Jóhann Waage, 14.10.2007 kl. 15:57]

Já ég var nú sáttastur með búningasettin mín 2 þetta kvöldið, bæði Skallagrímsbúningana og svo Dómaratreyjurnar.....og svo voru nú dansspor dóttur minnar nokkuð flott og gáfu leiknum skemmtannagildið sem upp á vantaði

Ég ætla nú að reyna að mæta í nesið á fimmtudagskvöldið, veit ekki alveg hvernig það mun takast, fer þá bara á Grindavík-KR í staðinn.

Okkar menn munu girða sig í brók, ég er sannfærður um það.

Skallinn SkriðuBrandur

[Fanney (IP-tala skráð) 15.10.2007 kl. 16:19]

Já það er eins gott að fara að hysja upp um sig..höfum ekki efni á einhverjum skítaleikjum,nógu eiga leikirnir eflaust eftir að vera spennandi,og því verðum við að vinna þau lið sem við EIGUM að geta unnið... ennnn það er svo gott að vera vitur í stúkunni.

En annars bara kvitt, og takk fyrir skutlið!