frumsamin miðnætur limra

Þannig háttar til í heimahögum mínum í kvöld að vegna viðgerðar þurfti að skrúfa fyrir heita vatnið í hverfinu í nótt.  Er ég hélt í ból mitt til hvílu uppúr miðnætti varð ég var við hvað allt í einu ríkti ógnvænleg þögn í sloti voru.  Uppgötvaði að þessi einkennilega þögn stafaði af því að það var ekkert suð eða vatnsniður í ofnunum.  Þar sem ég átti erfitt með að sofna setti ég saman limru sem lýsir ástandinu vel, reis upp við dogg og ákvað að henda henni hingað inn svo hún gleymdist ekki.  Vísan er svona:

Í bælinu að kveldi ég kvelst,
í kvöldfréttum er þetta helst.
Stífluð er lögnin
hún er skerandi þögnin
Í því mitt svefnleysi felst

R.G 


áfram gekk rófan

 

Hversu oft hefur Skallagrímur komist í 4.liða úrslit í úrslitakeppninni og hvaða ár?


Enn ein spurningin

Jæja best að halda mönnum á tánum og koma með nýja spurningu

Hversu oft hefur Skallagrímur komist í undanúrslit í bikarkeppni KKÍ frá árinu 1992-2007???? 

 

Gæti kannski verið of auðveld spurning fyrir starfsmenn á bensínstöðvum víðsvegar um land 


ný spurning

Jæja þá er bara að vinda sig í næstu spurningu sem liggur klár

Frá því Skallagrímur kom uppúr 1.deild vorið 2004 hefur liðið leikið 33 heimaleiki og unnið 27 þeirra.  Öll þrjú tímabilin hefur heimavallar árangurinn verið 9-2.  Spurt er að þessu sinni: Gegn hvaða liði höfum við tapað á heimavelli, 6 tapleikir, á þessum 3 tímabilum?


Ný spurning

Vegna fjölda áskoranna hef ég ákveðið að halda áfram spurningaleiknum sem hefur slegið rækilega í gegn.  Nú er spurt um heildarárangur gegn liðum í úrvalsdeild frá því Skallarnir komu þar fyrst við sögu árið 1992.

 Skallagrímur hefur 100% heildar vinningshlutfall gegn 3 liðum, Stjarnan (2-0), Höttur (2-0), Þór Þorl (2-0).  Gegn hvaða liði höfum við Skallagrímsmenn besta heildarvinningshlutfallið, miðað við að hafa leikið alls 10 leiki og hvaða lið er þar í öðru sæti?


næsta spurning

Skallagrímur hefur 100% vinningshlutfall gegn 4 liðum á heimavelli í úrvalsdeild, Þór Þorlákshöfn (1-0), Höttur (1-0), Fjölnir (3-0), Stjarnan (1-0) fram að því tímabili er nú stendur yfir.  Spurningin er hins vegar þessi:

Gegn hvaða liði að fráskildum þessum 4 hefur Skallagrímur besta vinningshlutfallið á heimavelli, og hvaða lið er þar í öðru sæti?? 

 

Þess skal getið að Skallagrímur hefur leikið 5 eða fleiri leiki gegn þessum liðum í gegnum tíðina og þetta nær fram að því tímabili er nú er í gangi, þ.e tímabilið 2007-2008 er ekki talið með 


Kommúna í mexico

Vissulega langar mig til Mexico og þarf ég varla að rekja ástæðurnar hér.  Hinsvegar langar mig einnig ansi mikið að sjá þetta leikrit og spurning um að slá 2 flugur í sama högginu og fara með þeim út
mbl.is Vesturport á leið til Mexíkó
Tilkynna um óviðeigandi tengingu við frétt

Skallagrímur...??

Það vita allir þeir er þekkja mig að ég er annálaður ofuráhugamaður um körfubolta.  Sérstaklega er öll möguleg og ómöguleg tölfræði mínar ær og kýr þegar kemur að umfjöllun um þessa göfugu íþrótt.

Þannig vill til að fyrir skömmu fjárfesti ég í apparati sem gerir mér kleift að tengja harða diskinn úr gömlu borðtölvunni minni, sem legið hefur í dái inní skáp í rúmlega 3 ár, við fartölvuna er ég brúka dags daglega.  Á þessum harða diski fann ég déskoti magnaða tölfræðisamantekt er ég hafði gert um Skallagrímsliðið.  Var ég búinn að taka saman í excel skrá heildaryfirlit yfir allar viðureignir Skallanna við öll lið er spilað hafa í úrvalsdeildinni frá því Skallarnir ráku þar inn nefið fyrst árið 1992.  Þessi samantekt náði til ársins 2004 eða þar til gamla tölvan gaf upp öndina.  Nú hef ég að mestu leiti lokið við þessa tölfræðiskráningu og datt mér það snjallræði í hug að hafa smá spurningaleik hér úr þessari samantekt.  Það segir sig sjálft að ef enginn mun svara þá mun ég ekki halda áfram að spyrja

Fyrsta spurning:  Eitt er það lið sem Skallagrími hefur aldrei tekist að vinna á útivelli í úrvalsdeild, hvaða lið er það? 


Hvers vegna og ef...

Það eru liðin þónokkur ár og múgur af dögum síðan ég blagg í fyrsta sinn.  Fyrysta blogg mitt var hýst á www.risinn.blogspot.com á sínum tíma og þótti nokkuð gott.  Þó ég segi sjálfur frá var það nokkuð gott og skemmtilegt blogg og er nokkuð ernt enn þann dag í dag.  Síðan hef ég flutt mig um set til að standa tímans tönn og aðra jaxla.  Ég hef reynt að halda þem sið í heiðri að blogga aldregi um ekki neitt.  Ef ég hef ekkert skemmtilegt að segja þá segi ég það eigi á bloggi voru.  Þess vegna ætla ég ekki að blogga í kvöld.  Hallelúja. 

Skammdegi... o.fl

Ég er pikkfastur og að drukkna í íslenskri menningu eins og gamall blöðru-skódi í kviksyndi á Mýrunum í gamla daga.  Eins og ég hefi áður gjört heyrinkunnugt höfum við félagarnir verið að dunda okkur við að skoða gamlar íslenskar bíómyndir.  Nánast svo gamlar að þær séu varðveittar á gömlu BETA spólunum, þó ekki alveg.  Þær hafa í stuttu máli sagt verið hver annarri verri og ekki þess verðar að um þær sé fjallað.  Skelfingin var næg að horfa á þær.  Síðasta mynd er við glenntum glyrnur á og um er talandi var myndin Skammdegi í leiksttjórn Þráins Bertelssonar.   Myndin gerist á afskekktum sveitabæ rétt utan Bíldudals og fjallar umunga ekkju sem kemur heim til Íslands frá "útlöndum" eins og það er orðað til að freista þess að kaupa helmingshlut mágs síns í sveitabæ þessum er myndin gerist á.  Til þessa verks atarna nýtur hún fulltyngis kaupsýslumanns úr þorpinu sem er henni innan handar í þessum skítugu viðdkiptum.  Sjálf á hún hinn helminginn í jörðinni og vill hrifsa til sín hin 50% til að geta síðar selt á uppsprengdu verði.  Fljótlega fer hún þó að verða vör við ára á bænum og verður atburðarásin öll hin undarlegasta í kjölfarið.  Ábænum býr einnig systir mágs hennar og bróðir hans.  Bróðir hans er andlega vanfær og er hann leikinn af Eggerti Þorleifssyni.  Skemmst er frá að segja að Eggert fer algerlega á kostum í þessu hlutverki og er alveg óborganelegt atriðið hvar hann situr við eldhúsborðið og drekkur svart kaffi með sykri um leið og hann hámar í sig sykurmola og keðjureykir síkarettur líkt og á akkorði sé.  

 

Eins og titill myndarinnar gefur til kynna gerist myndin í svartasta skammdeginu og er allt gjört til þess að sveipa myndina dulúðlegum blæ.  Þó nokkur nekt og ástaratriði fá hárin og fleira til að rísa og eru undirrituðum til mikils yndisauka.  Myndin er þó kannski ekkert tímamótaverk, tónlistin er líkt og var títt í myndum á þessum árum alveg fyrir neðan allt velsæmi.  Grafík og tæknivinnsla jafn góð og ártalið gefur til kynna(1985)  Uppúr stendur þó að myndin er á köflum vel leikin og sagan stórgóð.  Dulúðin og næstum-því-draugalegheitin gera það að verkum að hún hefur elst nokkuð vel miðað við aðrar eldri myndir.  Mæli með þessari til áhorfs fyrir menningarsinnaða íslendinga á síðkvöldum í skammdeginu hvar hálka og asahláka ráða ríkjum

 

Aðrar myndir sem settar hafa verið í VHS tækið nýlega:  Skilaboð til Söndru Mynd byggð á sögu Jökuls Jakobssonar.  Sagna hefur eflaust verið góð, en nær engan veginn að skila sér í myndinni.  Bessi Bjarna heitinn ansi afkáralegur þarna, en Rósa Ingólfs og Bryndís Schram fæddu hjá okkur bros og glott út í nyrðra munnvikið.  Algjörlega útúr korti mynd þar sem bræðurnir Bubbi og Tolli Morthens björguðu því sem bjargað varð.

Hvíti víkingurinn: Alfarið býsna víðs fjarri bíómynd og Hrafn Gunnlaugs á þrumuskot langt yfir markið í dauðafæri.  Sagan af því hvernig kristni barst til Íslands er mögnuð en jafnframt hundleiðinleg.  Askur og Embla aðalsöguhetjurnar í þessari norsk-íslensku mynd sem skartar 15 ára skutlu er fer með hlutverk Emblu.  Leiðinlegheitin tekst honum að ýfa upp í þessari mynd þar sem aðal takmarkið virðist vera að hafa sem flesta eins klædda í sömu senunni að slást og berjast og að sýna nógu asskoti gróf kynlífsatriði, sem n.b er mér að skapi.  Alfarið hroðaleg mynd, sem fékk að launum hraðspólun og mikla bjórdrykkju

Verður gaman að vita hvað ég spenni spírurnar á næst 


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband